Գարեջուր, աշխարհի ամենասպառվող և ամենահին ալկոհոլային խմիչքը
Գարեջուրը համարվում է երրորդ ամենատարածված ըմպելիքն աշխարհում ջրից և թեյից հետո։
Գարեջուրը ստանում են հացահատիկից՝ օսլայի խմորման միջոցով։ Հիմնականում օգտագործվում է գարու ածիկ, սակայն ցորենը, եգիպտացորենը և բրինձը նույնպես լայն կիրառություն ունեն։ Հիմնականում գարեջուրը համեմվում է գայլուկով, որը ավելացնում է դառնություն և ծառայում է որպես բնական կոնսերվանտ, չնայած այլ համեմունքներ էլ կարող են երբեմն օգտագործվել, ինչպես օրինակ՝ խոտաբույսեր և մրգեր։
Ջրի մեջ հանքանյութերի պակասը կամ ավելցուկը փոխարինելու համար, ամբողջ աշխարհում ընդունվել են գարեջրի պատրաստման մի շարք մեթոդներ:
Հնագետները ենթադրում են, որ գարեջուրը նպաստել է քաղաքակրթությունների ձևավորմանը։ Մոտավորապես 5000 տարի առաջ Իրաքում քաղաքի աշխատողները վարձատրվում էին գարեջրով։
Գիզայի մեծ բուրգի կառուցման ժամանակ յուրաքանչյուր աշխատող օրական սննդակարգում ստանում էր չորսից հինգ լիտր գարեջուր, որը ծառայում էր և՛ որպես սնունդ, և՛ որպես զովացուցիչ խմիչք։ Վերջինս կարևոր էր բուրգի շինարարության համար։
Չնայած այն հանգամանքին, որ գարեջրի մասին հիշատակվում է պատմական շատ աշխատությունների մեջ, մինչ այժմ չկան հստակ տվյալներ հին գարեջրի բաղադրության և պատրաստման մասին, սակայն 2011 թ. Ֆինլանդիայում գտնվեցին մի նավի մնացորդներ, որի բանտախցում հայտնաբերվեց հնագույն գարեջրի շիշ, որը լի էր խմելու համար պիտանի ըմպելիքով:
Ամբողջ աշխարհում գարեջրի փրփուրի բարձրությունը խոսում է դրա որակի մասին: Փրփուրն առաջանում է ածխածնի երկօքսիդի շնորհիվ: Դրա բացակայությունը նշան է նրա, որ ըմպելիքը վաղուց արդեն ժամկետի մեջ չէ և կորցրել է համը: Գարեջրի սիրահարների համար անկրկնելի է «բրյուսելյան ժանյակը»՝ իդեալական փրփուր, որը չի իջնում և բաժակի միջի ըմպելիքը վերջանալուց հետո գեղեցիկ ժանյակ է «գծում» դրա պատերին:
Գարեջուրը պայքարում է քաղցկեղի դեմ։
Գայլուկը, որը գարեջրին համ ու բույր է հաղորդում, հիանալի միջոց է քաղցկեղի դեմ պայքարելու համար։ Ըստ (Journal of Agricultural and Food Chemistry) ամսագրում հրապարակված ուսումնասիրության՝ գարեջուրը հակաօքսիդանտների լավագույն աղբյուր է. ի դեպ, հակաօքսիդանտներով հարուստ է նաև կարմիր գինին, կանաչ թեյը և սոյան։
Գարեջուրն օգտակար է ոսկրերի համար
Գարեջուրը պարունակում է մի շատ օգտակար բաղադրիչ։ Գարեջրի չափավոր օգտագործումը կարող է բավարարել օրգանիզմի սիլիցիումի պակասը, ինչն էլ, իհարկե, դրական ազդեցություն է ունենում ոսկրերի վրա, քանի որ սիլիցիումը շատ կարևոր է ոսկրերի առողջության համար:
Լույսը վնասում է գարեջրին
Գարեջրի մեջ առկա իզոհումուլոնները շատ զգայուն են լույսի նկատմամբ և դրա երկար ազդեցության դեպքում իզոհումուլոնները վերածվում են թիոլների, որոնք շատ տհաճ հոտ ունեն։ Հենց այս պատճառով էլ գարեջուրը շշլացվում է մուգ տարաների մեջ։
Գարեջրի ալկոհոլային հարաբերությունը կազմում է 4-6 % ըստ ծավալի, սակայն այն կարող է տատանվել 0.5-20% սահմաններում, որոշ գործարաններ արտադրում են 40% և ավել թնդությամբ գարեջուր։