Ինչպես է ազդում ֆիզիկական ցավը գարեջուր խմելու վրա

Տարիներ շարունակ գիտնականներին հետաքրքրել է՝ ինչպես կփոխվի գարեջրի օգտագործումը, եթե խմելու ժամանակ մարդը ֆիզիկական ցավ զգա:

Ուսումնասիրությունները ցույց են տվել, որ ալկոհոլի օգտագործումը նվազեցնում է ցավի ուժգնությունը, և  այս ուսումնասիրության նպատակն է եղել պարզել, թե ցավն ինչպես է ազդում խմելու մոտիվացիայի և ալկոհոլի օգտագործման վրա։

Փորձի մասնակիցները եղել են 20 չափահաս մարդիկ, ովքեր պետք է կանոնավոր գարեջուր կամ սիդր խմեին: Հետազոտության ընթացքում նրանց սրունքին ամրացվել է մի սարք, որը ստեղծել է տեղայնացված ցավ:

Արդյունքները ցույց են տվել, որ տղամարդիկ զգալիորեն ավելի արագ են խմել, երբ ցավի ուժգնությունը մեծացել է։ 
Զարմանալիորեն դա չի նկատվել կանանց մոտ։

Այս հետազոտության ամենակարևոր բացահայտումն այն է, որ ցավը կարող է ոչ միայն մեծացնել ալկոհոլ խմելու մոտիվացիան, այլ նաև բարձրացնել խմելու ինտենսիվությունը, - նշել է "Boissonneau PsyPost"–ը:

Սա հատկապես հստակ է տղամարդկանց համար: Ակոհոլային խմիչքների օգտագործումը կարող է թեթևացնել ցավն այդ պահին, բայց այն կարող է նաև ժամանակի ընթացքում ավելի ուժեղացնել ցավը։

Կարող ենք ասել, որ ուսումնասիրությունը ցույց է տվել ալկոհոլի օգտագործման և ցավի միջև կապը, սակայն ծանր և երկարատև ցավից տառապող մարդկանց դեպքում արդյունքները միանշանակ կտարբերվեն այս փորձարկման արդյունքներից։

Անհրաժեշտ է նաև մշակել բուժումներ կամ միջոցներ, որոնք օգնում են կոտրել ցավի և ալկոհոլի օգտագործման միջև կապը՝ նվազեցնելու ինչպես քրոնիկ ցավը, այնպես էլ ալկոհոլի օգտագործման խանգարման վտանգը: